BAGUIO CITY – Ngimmato ti bilang dagiti naarestar nga indibiduwal gapu iti illegal a droga iti siudad ti Baguio.
Sigun kenni Police Major Marcy Grace Marron, Public Information Officer ti Baguio City Police Office, dumanon iti 53 ti naarestar manipud iti bulan ti Enero 1 agingga Abril 20, 2026.
Nangatngato no idilig iti 43 a naarestar iti isu metlaeng a bulan idi napalabas a tawen.
Impeksa ni Police Major Marron a daytoy ket gapu iti ngimmato a bilang ti operasion a naipatungpal no sadino, dumanon iti 43 ti naipatungpal nga operasyon bayat a 36 idi napalabas a tawen iti isu metlaeng a bulan.
Mangipasimudaad nga ad-adda a nainget ti panagbantay ken kampanya dagitoy kontra iti illegal a droga iti siudad.
Innayon pay ti opisyal a dumanon iti P111, 462.80 ti pakabuklan a balor ti shabu ken dried mariujuana leaves, stalks, ken fruiting tops ti nakumpiskar kadagiti naipatungpal nga operasyon.
Dagitoy nga operasyon ket pakairamanan ti buy bust, arrest of wanted persons, search warrants, ken dadduma pay.
Impanamnama met ni Police Major Marron nga agtultuloy ti koordinasyonda ti Philippine Drug Enforcement Agency (PDEA) a maysa kadagiti mangipapaay iti report seknan iti drug situation iti tunggal barangay.
Kabayatanna, imenmentiner dagitoy ti interventions wenno programa no sadino, dumalan iti community based program dagiti matiltiliw nga indibidual.//Bombo Noveh Organo
