--Ads--
Nakasangpeten ita nga aldaw, Abril 30 idiay Ninoy Aquino International Airport Terminal 1 ti 12 nga overseas Filipino workers manipud Israel.
Dagos met a naipaayan dagitoy ti suporta manipud iti gobyerno babaen iti tulong pinansyal , accomodation, ken transportasyon paawid kadagiti probinsya dagitoy.
Maipasidung metlaeng dagitoy iti National Reintegration Network (NRN), maysa a programa a mangipaay ti suporta tapno makabangon manen dagiti repatriates babaen kadagiti livelihood programs, trainings, ken oportunidad a trabaho iti pagilian a Pilipinas.
Agtultuloy met ti programa ti gobyerno nangnagruna iti panangipaay ti tulong kadagiti overseas Filipino workers. //bombokaren.c.s
