--Ads--
Inawagan ni Akbayan Representative Chel Diokno a maysa a ‘kapalpakan’ ti saan a balligi a panangiyawid ti gobyerno ti Pilipinas kenni Zaldy Co.
Daytoy ket kalpasan a kinumpirma ti Department of Justice (DOJ) nga awanen iti kustodiya ti Czech Republic ti sigud a mammanday-linteg.
Sigun kenni Representative Diokno, makapasdismaya ti napasamak ken kasapulan a mailawlawag daytoy ti gobyerno ti Pilipinas.
Innayon pay daytoy a kasapulan nga ipasigurado ti gobyerno kadagiti amin a Pilipino nga aramidenda amin nga addang tapno mabirukan ni Co ken maisubli daytoy iti pagilian a Pilipinas iti kabiitan a panawen.
Iti agdama, awan pay ti nalawag nga impormasyon ti eksakto a lokasyon ti sigud a mammanday-linteg. //bombokaren.c.s
