Pinaglibakan ti online media network founder a ni Franco Mabanta amin dagiti akusasyon nga adda pakainaigann iti maatap a robbery by extortion kennni sigud a House Speaker Martin Romualdez.
“It’s not true, it’s definitely not true,” impetteng ni Mabanta iti media kasaruno iti pannakaarestarna.
Sumagmamano metlaeng nga oras kalpasan iti pannakaarestar daytoy, nangipablaak ti Peanut Gallery Media Network ti statement iti social media no sadino nainget a pinaglibakanda ti alegasyon ken impetengda a ‘politically motivated’ ti nasao a kaso.
Sigun pay iti nasao a pablaak, impetteng ti nasao a media network nga inosente ti founder ken ti grupo daytoy.
Inladawanda metlaeng a set up ti nasao nga panang-arestar.
Inarestar ti National Bureau of Investigation (NBI) ni Mabanta ken uppat pay nga indibidual iti maysa nga entrapment operation.
Sigun iti nasao nga ahensiya, sumango dagitoy iti kaso nga robbery by extortion iti maatap a panaglabsingna iti Cybercrime Prevention Act. //bombokaren.c.s
