Nadangran ti pito a Filipino Crew members kalpasan ti Iranian drone attack iti maysa a container ship iti Strait of Hormuz idi a Martes, May 05, 2026.
Sigun kenni Department of Migrant Workers (DMW) Secretary Hans Leo Cacdac, tallo kadagiti pito a nasugatan a Pilipino a saan a nainaganan ket adda iti intensive care unit (ICU).
Sigun kadagiti maseknan nga otoridad, napasamak ti panagatake iti container ship a San Antonio kabayatan ti panaglayag daytoy iti Strait of Hormuz.
Nagresulta iti pannakadadael ti barko ken pannakadangran dagiti tripulante daytoy.
Sigun iti CMA CGM, ti maikatallo a kadakkelan a container shipping line iti lubong ken ti agtagikua iti naatake a container ship, naibakwit dagiti nasugatan a marino para iti pannakataming.
Napasamak ti panagatake iti tengga ti agtultuloy a tension iti Strait of Hormuz, maysa a napateg a ruta iti lubong a naaapektaran iti tension sadiay Middle East.
