Inkari ti House Prosecution panel ti adu kan nadadagsen nga ebidensiya kontra kenni Vice President Sara Duterte.
Sigun kenni panel member, Rep. Ysabel Maria Zamora, paraman laeng ti rimsua nga ebidensia kontra iti bise presidente.
Sigun kenkuana, adu pay nga ebidensiya ti iparuar ti panel iti kanito nga agrugi ti impeachment trial.
Nabukel idi Mierkules, May 13, 2026 ti prosecution team a pakairamanan ti 11 a batikan ken abogado a mammanday linteg.
Sigun kenni Zamora, agsagsaganan ti panel ken naituding a bingayen ti tunggal miembro dagiti isyu ken espesipiko a kaso kontra iti bise presidente.
Impetteng ti mammanday linteg nga adu pay nga ebidensiya ti agur-uray a maluktan ken maiparang iti publiko a mangsuporta iti tunggal alegasyon kontra kenni Vice President Sara Duterte.
