Nangisumitir ti depensa wenno kampo ni sigud a president Rodrigo Duterte iti proposal seknan iti status conference a naituding inton Mayo 27 ken para kadagiti sumarsaruno pay a proceedings.
Iti dokumento nga inpila ti depensa idi Mayo 15, insumitirda dagiti obserbasyonda ken proposalda iti Trial Chamber III para iti panangipatungpal iti Status Conference ken kadagiti sumarsaruno pay a proceedings.
Impetteng ti kampo ti sigud a presidente a ti panangrugi ti panagdengngeg ket nakadepende iti panangtaming iti salun-at ni sigud a president Duterte.
Inlawlawag dagitoy a sigun gamin iti panangtaming dagiti expert neurologist, addaan ti sigud a presidente iti kondisyon iti salun-at a mangapapektar iti bagina nangangruna iti memorya ken complex reasoning daytoy.
“Any significant impairment affecting memory, concentration, or reasoning would seriously prejudice the preparation and presentation of the Defence and undermine Mr Duterte’s ability to participate meaningfully in the proceedings,” sigun iti dokumento nga insumitir ti depensa iti Trial Chamber III.
Gapu iti daytoy, kinnidaw ti depensa ti pannakatamming ni sigud a president Rodrigo Duterte babaen kadagiti independent experts para iti sumaruno a panagdengngeg iti kaso daytoy.
“Finally, should Mr Duterte ultimately be found fit to stand trial, the Defence requests that the Trial Chamber invite submissions and, if necessary, convene a further status conference as to whether his continuous physical presence at trial hearings would be required,” innayon ti depensa.
Malaksid iti dayta, kinnidaw ti depensa a mai-interpret dagiti testimonya dagiti agserbi kas witness iti Ingles, Cebuano, ken Tagalog tapno masurotan ni sigud a president Duterte ti proceedings.
“While the Defence is not currently in a position to provide detailed information concerning potential Defence witnesses, it is anticipated that any such witnesses would, in all likelihood, testify in English, Cebuano, Tagalog or a mixture of the three,” sigun iti dokumento.
Innayon a kinnidaw ti depensa iti Trial Chamber nga agitudingda iti deadline agingga Setyembre 30 iti agdama a tawen para kadagiti nagaplikar a makipaset iti sumaruno a pangdengngeg
Maipalagip nga immunan nga impakaammo ti International Criminal Court a posible a marugian ti panagdengngeg iti kaso ni sigud a president Rodrigo Duterte inton Nobyembre no sadino namnamaen ti nasao a korte a nakasagana amin a kasapulan a dokumento iti bulan ti Setyembre. //bombokaren.c.s.
