Kidkiddawen ti Office of the Ombudsman iti Senate Public Relations Information Bureau (PRIB) nga isubmitirda ti listaan dagiti media personnel a nag-cover iti napasamak a pammaltog iti Senado idi May 13, 2026.
Paset daytoy ti imbestigasyon nga isaysayangkat ti Ombudsman.
Maibasar iti surat a pinirmaan ni Maria Melinda Mananghaya-Henson, Director of the Field Investigation Bureau, kidkiddawen ti Ombudsman ti nagan dagiti amin a media personnels nga adda iti Senado idi May 13 ken 14.
Nakiddaw metlaeng ti logbook intries ti time in ken out dagiti media personnels.
Iti kanito nga awan dagiti dokumento, kiddawen ti Ombudsman ti Certification under oath a mangilawlawag no apay nga awan dagiti makidkiddaw a dokumento.
Naipanamnama nga amin a dokumento ken impormasion a maisubmitir iti Ombudsman ket maibilang a confidential.
