Kiniddaw ti Office of the Ombudsman iti Sandiganbayan a mangi-isyu dagitoy iti precautionary hold departure kontra kada Senator Rodante Marcoleta, sigud a mammanday-linteg a ni Mike Defensor, ken dua pay nga indibidual.
Kasaruno daytoy iti panangisingasing dagiti field investigators ti Ombudsman a maipila ti kaso a plunder ken indirect bribery kontra kadagiti nadakamat nga opisyal kasta meten iti dua nga businessman a da Joseph Varias Espiritu ken Aristotle Baluyut gapu iti maatap a P75 million campaign donation iti senate bid ni Senator Marcoleta idi 2025.
Sigun iti rekomendasyon ti prosecutor ti Ombudsman, kasapulan a sumango ni Sen. Marcoleta ken kadua daytoy a respondents iti criminal charge gapu iti maatap a panangawat ni Sen. Marcoleta iti P75 million kas campaign donation.
Nupay kasta, mangipaay pay laeng ti Ombudsman ti Resolution a mangaporobar iti rekomendasyon dagiti imbestigador dagitoy.
Kabayatanna, inawagan daytoy ni Senator Marcoleta a politically motivated kabayatan iti privilege speech daytoy idiay senado ita nga aldaw. //bombokaren.c.sapirao
