Binabalaw ti Senate Minority Bloc ti panag-absent dagiti miyembro ti majority bloc iti plenary session idi June 01, 2026.
Daytoy ket kasaruno ti boluntario a panagsuko ni Senador Jinggoy Estrada kadagiti otoridad.
Sigun iti 11 a miembro ti minority, dua nga oras ti panagurayda iti naituding a plenary session.
Nupay kasta, saan a nangrugi kalpasan a saan a dimmar-ay dagiti amin a kameng ti majority bloc, pakairamanan ni Senate President Alan Peter Cayetano.
Iti joint statement dagiti minority, dagiti mapaspasamak iti senado ket saan a maipapan iti Senate independence no diket maipapan iti turay ti linteg, panagsungbat ti publiko ken nainkalintegan a proseso iti sanguanan ti Ombudsman ken ti Sandiganbayan a saan a kontrolado ti Senado, bloc ken presiding officer.
Sigun pay iti minority, “boycott” ti panag-absent dagiti majority iti session gapu iti pannakaarestar ni Senator Jinggoy Estrada.
Maipalagip a sakbay ti plenaryo, kinadduaan dagiti sumagmamano a miembro ti majority ni Sen. Estrada sakbay a naipatungpal ti pannakaarestona mainaig iti warrant of arrest nga impaulog ti Sandiganbayan.
Agarup maysa ket kagudua nga oras iti naituding a session, inawagan ni SP Cayetano ti minority a makikaykaysa iti majority para iti freedom ken independence ti Senado.
Nupay kasta, impetteng ti minority bloc a ti mapaspasamak iti Senado ket para iti pannakaipatungpal ti accountability.
Kamaudiananna, kiniddaw ti minority ti panaglukat manen ti Plenario ken ituloyda ti trabaho dagitoy sakbay ti naituding nga adjournment ti 20th Congress inton Hunio 5. 2026.
