--Ads--
Narekober ti maysa a bangkay ti maladaga iti narba a pasdek idiay Angeles, Pampanga.
Daytoy ti maika-21 kadagiti bilang ti pimmusay gapu iti napasamak nga insidente.
Sigun iti Bureau of Fire Protection (BFP) Central Luzon, nasarakan ti bangkay ti maladaga iti Quadrant 2 ti disaster site bayat nga agtultuloy ti search and retrieval operations.
Nupay kasta, saan paylaeng a kompirmado ti kinasiasino ti maladaga.
Maipalagip nga immuna a kinuna dagiti sumagmamano a nakalasat a posible nga adda ti ubbing iti construction site gapu ta temporario nga inyakar ti dadduma a trabahador ti pamiliada sadiay.
Iti agdama, agtultuloy paylaeng ti search and retrieval operations dagiti responders tapno masarakan ti bangkay dagiti dadduma a biktima.
