Nangiruar iti open letter ni Vice President Sara Duterte para kenni Francisco ‘Kiko’ Barzaga maysa nga aldaw kalpasan a napapanaw iti Kamara de Representantes gapu iti mapapati a saan a nasayaat nga kagagaladna ken maulit-ulit a panaglabsing iti pagrebbenganna kas maysa a mammanday-linteg.
Iti surat, pinadayawan ni Duterte ti kinatured ken determinasion ni Barzaga, ken ginuyugoyna daytoy nga agtalinaed a napudno kadagiti pammatina iti baet dagiti pammabalaw.
Kinunana a saan a dakes nga agbalin a naidumduma ken napateg ti karakter ngem ti panagsurot iti naka-ugalian.
Imbinglay metlaeng iti Bise President a sumagmamano a gundaway a naawagan daytoy nga agbagtit ken awan ti ammuna gapu iti panagtubngarna a sumurot iti agdama a pagalagadan.
Immunan nga inlawlawag iti Kamara a napapanaw ni Barzaga kalpasan ti mapapati a maulit-ulit a panaglabsing, karaman dagiti kontobersial nga statament kontra iti padana a mammanday-linteg ken panagbalin a rason iti riribuk iti sesion.
Lineppas ni Duterte ti surartan iti panangiyebkas iti suporta ken panagraem kenni Barzaga.
