Nangipili iti reklamo a civil ti Department of Energy kontra kenni Batangas 1st District Rep. Leandro Leviste iti Regional Trial Court iti Taguig City seknan iti mapapati a saan a nalpas a solar power project iti sidong iti Green Energy Auction Program.
Iti limapulo ket lima a panid iti reklamo a naipila idi Hunio 2, impaganetget iti DOE a napaay ti Solar Philippines Commercial Rooftop Projects Inc. ken dagiti adda pakainaiganna a kompania a tungpalen ti pagrebbenganda iti General Santos Solar Power Project nga addan iti kapasidad a 120 megawatts para iti Mindanao grid.
Sigun iti ahensia, karaman iti isyu ti mapapati a saan a nasukatan a performance bond nga aggatad iti agarup P1.185 bilion, a rumbeng kuma a garantiya iti panagkumpleto iti proyekto.
Impetteng metlaeng iti ahensia a ni Levista, a maibagbaga nga adda iti direkta a kontrol kadagiti kompania a karaman, ket maibilbilang a kangrunaan a responsable iti panangipataray iti proyekto kas paset iti maysa a corporate decision-making group.
