--Ads--
Inawagan ni Senator Erwin Tulfo a ‘bogus’ ti nagbalin a panagdengngeg ti Blue Ribbon Committee seknan iti male-maleta a kuwarta a dinakamat dagiti nagparang nga ex-marines idiay senado idi kalman.
Daytoy ket kalpasan a nadakamat ti nagan na kadagiti mapapati a nakaawat iti kuwarta.
Sigun kenni Sen. Tulfo, saan a mailinya dagiti inibatan nga statement ni Bernard Gumban, maysa kadagiti ex-marines.
Sigun kenkuana, saan nga agtutunos dagiti salaysay dagiti testigo.
Gapu iti dayta, impetteng ti senador a ti nasao nga isyu ket planado tapno madadael ti nagan ken reputasyonna.
Maipalagip a natuloy ti panagdengngeg ti Blue Ribbon Committee idi kalman nga indaulon ti kampo ni SP Alan Cayetano. //bombokaren.c.sapirao
