Nagkiddaw ti pammakawan ni Senator Erwin Tulfo iti kaduana a senador a miyembro ti grupo ni Senator Alan Peter Cayetano kalpasan iti nagbalin nga statement na nga ipaarestona ni Senator Cayetano nu mangisayangkat manen dagitoy iti saan nga otorisado a panagdengngeg.
Iti maysa nga statement, innaklon ni Senator Tulfo a saan a rumbeng para iti maysa nga opisyal ti gobyerno nangnagruna iti maysa a senador ti nalabes a panagsarita.
Sigun kenkuana, nailaw-an laeng daytoy gapu iti tarigagayna a maituloy a nasayaat ti trabaho ti senado.
Kagiddan iti panagkiddawna iti dispensar, nagkiddaw metlaeng daytoy kadagiti amin a Pilipino gapu iti mapaspasamak idiay Senado no sadino nangitunda daytoy iti pannakaitantan dagiti panangipasa kadagiti napapateg a gakat.
Kiniddawna met kadagiti kaduana a senador nga isardengdan ti susik iti nagbabaetanda ken agmaymaysada tapno maituloy manen dagiti imbestigasyon para kadagiti Pilipino.
Impettengna a nu agmaymaysa dagitoy, maprotektaran ti interes ti pagilian ken dagiti Pilipino. //bombokaren.c.sapirao
