Inakosaran ni Manila Rep. Bienvenido Abante dagiti maaw-awagan nga “18 maleta boys” wenno dagiti sigud a Marines a naikarianda iti minil-milyon a payout kasurat ti statements dagitoy.
Sigun kenni Abante, naikari ti P2 million kadagiti sigud a Marines ngem P500,000 paylaeng ti naipaay kadagitoy.
Maipalagip a maysa ni Abante kadagiti Kongresista nga inakosaran dagiti sigud a Marines nga immawat iti minal-maleta a kuarta.
Nainget met a pinaglibakan ti opisial ken nangipila iti reklamo kontra kadagiti sigud a Marines.
Patien ni Abante a politika ti rason iti pannakairamanana kadagiti maatap nga immawat iti kickback.
Inlawlawag ti opisial napasamak daytoy kalpasan a naddaanda iti QuadComm no sadino, daytoy ti nangiyendorso iti maika-uppat nga impeachment complaint kontra kenni Vice President Sara Duterte.
Karaman metlaeng ni Abante kadagiti House Quad Committee a nangimbestigar iti War on Drugs ni sigud a President Rodrigo Duterte.
