Kinumpirmar ti Malacañang a naituding nga agbyahe ni President Ferdinand Marcos, Jr. paturong Russia inton Hunyo 17 agingga Hunyo 19 para iti maysa nga official working visit.
Manamnama a makipagtaripnong daytoy kenni Russian President Vladimir Putin iti Asean-Russia Summit a mapasamak idiay Kazan, Russia.
Sigun kenni Russian Foreign Minister Sergey Lavrov, magagaranda iti panagdar-ay ni President Marcos, Jr. iti nasao a summit.
Innayon ni Lavrov a ti mangited-dalan ti nasao a panagtaripnong iti naununeg pay a relasyon ti dua a pagilian nangnangruna nu maipanggep iti trade, enerhiya, agrikultura, edukasyon, turismo, kultura, ken dadduma pay.
Dinayaw metlaeng ni Lavrov ti balanse a posisyon ti Pilipinas maipapan iti gubat idiay Ukraine. //bombokaren.c.sapirao
