Napilaan iti reklamo a manslaughter idiay Hong Kong ti sumagmamano nga indibidual ken kompania seknan iti uram iti parapubliko a pagtaengan a nakatayan iti 168 nga indibidual idi napalabas a tawen.
Sigun iti imbestigasion, napaay ti dandani amin iti napapateg a fire safety measures gapu kadagiti panagbiddut iti tao.
Karaman kadagiti napilaan dagiti direktor iti kontraktor ken consulting form a karaman iti renovation iti Wang Fuk Court, kasta metten ti maysa nga inspector.
Malaksid iti manslaughter, pito nga indibidual ti sumangsango metlaeng iti kaso a panagkusit, money laundering, ken tax evasion.
Rimmuar iti panagdengngeg a mapapati a nangisubmitir ti sumagmamano kadagiti saan a pudno a report kadagiti otoridad.
Natakuatan metlaeng a na-deactivate ti fire alarm systems iti pito iti walo a pasdek ken saan a nagaramat iti umno a fire-retardant materials, a nangpakaro ti panagwaras iti uram.
Mapapati a nangrugi ti uram manipod iti upos iti sigarilio a nagramaram iti nauram a materiales.
Rinibribu a residente ti napukawan iti pagtaengan gapu iti insidente.
Intantan iti korte agingga Setiembre ti sumaruno a panagdengngeg iti kaso.
