Posible a mainaig kadagiti 18 nga ex-Marines ti maatap a security threat iti Senado.
Sigun kenni Acting Senate President Sherwin Gatchalian, impakaammo ti NBI a posible a konektado ti pangta kadagiti sigud a Marines.
Innayonna nga amin a pangta ket seryosoenda isu’t gapuna nga imbilinna iti Office of the Senate Sergeant-at-Arms (OSAA) a makikoordinar kadagiti nadumaduma nga intelligence agencies tapno ma-validate ti impormasyon seknan iti nasao a pangta.
Maipalagip a naipasidong ti Senado iti heightened security a nangrugi idi Martes, Hunio 9, kalpasan a nakaawat ni Sen. Gatchalian iti impormasion maipapan iti maipagarup a pangta manipud iti National Bureau of Investigation (NBI).
Kabayatanna, inlawlawag ti Sen. Gatchalian a saan a lockdown ti Senado iti agdama.
