Kinumpirmar dagiti otoridad ti Tacloban City a nakemmegen dagiti suspek iti napasamak a shooting incident idiay San Jose National High School.
Nabigbig dagiti suspek kass dua a lalaki a menor de edad.
Kinumpirmar metlaeng dagiti otoridad a tallo ti nakumpirmar a pimmusay bayat a lima met nga indibidual ti nadangran gapu iti nasao nga insidente.
Dagos a rinespondean dagiti kameng ti Tacloban City Police Station (TCPO) ti nasao a pasamak tapno masigurado ti seguridad dagiti estudyante, mannursuro, ken school personnel ti nasao a pagadalan.
Dagos met a naitaray dagiti biktima kadagiti medical facilities para iti dagos a pannakataming dagitoy.
Mangipaay paylaeng dagiti otoridad iti impormasyon seknan iti napasamak nga insidente bayat a mannarimaan pay laeng ti imbestigasyonda.
Impanamannamada met iti publiko a makikokoordinarda kadagiti maseknan nga ahensya ken school authorities tapno mapagtalianed ti kapia ken seguridad kadagiti pagadalan ken maliklikan ti kapada nga insidente iti masakbaya.
Kabayatanna, binabalaw ti Police Regional Office-8 ti nasao nga insidente ken impasiguradoda a maisayangkat dagiti kaskenan nga aksyon tapno maimbestigarana a nasayaat ti nasao nga insidente.
Gapu iti nasao nga shooting incident, nasuspindir amin ti klase idiay San Jose Central School, Manlurip Elementary School, ken San Jose National High School.//bombokaren.c.sapirao
