Kinarit ti abogado dagiti sigud nga 18 Ex-Marines a ni Atty. Levito Baligod da Senator Kiko Pangilinan ken ti asawana a ni Sharon Cuneta.
Sigun kenni Atty. Baligod, mangipila da Senator Pangilinan iti kaso no patienda a nainsulto wenno nababalawda iti pannakaidatag dagiti ladawanda.
Maipalagip a naipakita ti ladawan da Pangilinan ken Cuneta bayat ti press conference dagiti 18 a sigud a Marines ken maatap a bagman ni sigud a Congressman Zaldy Co.
Iti nasao a ladawan, kadua da Pangilinan ken Cunet dagiti maipagarup nga empleyado ni Zaldy Co.
Sigun kenni Baligod, ti ladawan ket inraman dagiti “staff” a nangisagana iti presentasion ngem nagkedked a manginagan kadagitoy.
Kabayatanna, saan a pinasingkedan wenno inlibak ni Baligod no adda ti naipatulod a kuarta kadagiti agassawa.
Sigud kenkuana, saanna a masungbatan paylaeng daytoy iti agdama.
