--Ads--
Inaprobaran iti Department of Justice (DOJ) ti panangipila iti 44 a kaso a tax evasion kontra kadagiti sigud nga opisial iti Department of Public Works and Highways (DPWH) a maaw-awagan a “BGC Boys,” seknan iti mapapati a nasurok ₱1.68 bilyon a tax liabilities, sigun iti Bureau of Internal Revenue (BIR).
Binigbig iti BIR dagiti karaman a da Jaypee Mendoza, Henry Alcantara, ken Brice Ericson Hernandez.
Naduktalan iti imbestigasion ti mapapati a saanda a panangipila iti tax returns, underreporting iti pammastrekan, ken dakkel a nagdumaan iti naideklara a pammastrekan ken aktual a nagastos.
Sigun iti BIR, adda ti probable cause tapno mapilaan dagiti kaso ti tallo maibasar iti panaglabsing iti National Internal Revenue Code.
