Agtultuloy a maad-adal iti Baguio City council ti singasing a pannakaipangato ti garbage fee tunggal bulan.
Iti interview ti Bombo Radyo, kinuna ni Councilor Elmer Datuin a maisingsingasing ti P75 a garbage fee manipud iti sigud a P20 a baybayadan dagiti tunggal household iti binnulan.
Dinakamatna a ti bayadan dagiti negosyante ken dadduma pay a sektor ket depende met iti kinaado dagiti basura.
Impaganetget ni Datuin nga aggasgastos ti siudad iti P220 million tunggal tawen para iti pannakaiyakar dagiti basura manipud iti siudad paturong idiay Urdaneta City ngem P40 milyon laeng ti collection ti siudad manipud iti garbage fees.
Kabayatanna, impanamnamana met nga agtinnulong dagiti kameng ti City Council tapno makabirukda iti napintas a solusyon para iti pagimbagan ti siudad ken dagiti residente.//BomboKhey
