Pormalen a nagleppas ti tallo nga aldaw a rally ti Iglesia ni Cristo (INC) idi Huebes, July 02, 2026.
Iti maysa a video message, nagyaman ni INC spokesperson Edwil Zabala kadagiti dimmar-ay iti tallo nga aldaw a panagtitipon, kasta met kadagiti personalidad a nangiyebkas iti suportada ken dagiti pulis a nangipaay iti seguridad para iti nasao nga aktibidad.
Sigun kenni Zabala, patienda a nalawag nga indanonda ti mensaheda kadagiti maseknan nga opisyal ken namnamaenda nga agraira ti hustisia iti pagilian.
Malagip a nangisayangkat ti INC iti awanan permit a surprise rally iti People Power Monument idi Martes, June 30.
Panggep dagitoy nga iyebkas ti suportada kenni Senador Rodante Marcoleta a posible a sumango iti kaso a plunder.
Sigun iti Malakanyang, adu dagiti naapektaran iti nasao a surprise rally, saan laeng a ti gobierno no diket karaman dagiti estudiente, empleyado ken dagiti pasiente.
