Binilin iti Senate impeachment court ni Vice President Sara Duterte a sumango, personal man wenno babaen iti abogadona, iti panangrugi iti impeachment trial daytoy inton Hulio 6, alas-2 iti malem iti Session Hall iti Senado.
Maibasar iti abiso a pinirmaan ni Senate President ken presiding officer Sherwin Gatchalian, ti pammilin ket maitunos iti Rules of Procedure on Impeachment Trials ken iti writ of summons a nairuar idi Mayo 19.
Nangiruar metlaeng ti impechment court iti abiso iti Kamara kadagiti Representatives a nakasaganan ti Senado a rugian ti panagtingiting.
Sumangsango ni VP Duterte kadagiti reklamo nga adda pakainaiganna iti mapapati a saan a nasayaat a panagaramat iti confidential funds, saan a mailawlawag a kinabaknang, grave threats, ken dadduma pay.
Pinaglibakan met iti kampo iti bise president ti amin a pammabasol.
