Nakasagana ti Philippine National Police – Criminal Investigation and Detection Group (PNP-CIDG) nga iserbi ti warrant of arrest kontra kenni Senador Rodante Marcoleta.
Sigun iti ahensiya, iserbida ti warrant iti kanito nga ipaulog ti Sandiganbayan.
Kabayatanna, inleppasen ti Philippine National Police (PNP) ti protocol ken sistemada para iti posible a pannakatiliw ti Senado.
Inlawlawag ni PNP Public Information Office Chief Colonel Allen Rae Co a makikoordinar dagitoy iti Senate leadership iti kanito a maipulog ti arrest warrant bayat nga adda ni Marcoleta iti Senado.
Maipalagip nga impila ti Office of the Ombudsman ti plunder case kontra kenni Marcoleta iti Sandiganbayan.
Daytoy ket gapu iti P75 million a campaign donations a naawatna kabayatan ti panagkampanyana iti 2025 senatorial elections a saan a nainayon iti Statement of Campaign Expenditures daytoy.
