Impetteng ni Senate President Sherwin Gatchalian a rumbeng a daytoy ti mangidaulo iti impeachment trial ni Vice President Sara Duterte kas nailanad iti Senate Rules of Procedures ti Impeachment Trials.
Iti maysa nga interview, dinakamat ni Gatchalian a nalawag iti pagalagadan ti senado a ti Senate President iti rumbeng nga agserbi kas presiding officer iti amin nga impeachment trial, malaksid nu ti presidente iti sumagsango iti impeachment complaint.
Nupay kasta, binigbigna metlaeng nga adda ti probisyon iti nabaliwan nga impeachment rules a mangpalubos kadagiti senator-judges nga agbutos no kayatda a mangdutok iti dadduma a presiding officer.
Sigun kenni Gatchalian, nu daytoy ti desisyon ti kaaduan, nakasagana daytoy a sumurot iti desisyon ti senado.
Kagiddan dayta, impasiguradona a nakasaganan ti senado para iti panagrugi ti impeachment trial inton Lunes.
Sigun kenkuana, kumpleto metten ti security preparations, pakairamanan dagiti contingency plans kas iti backup power supply tapno masigurado nga awan ti anyaman nga aberya kabayatan iti panagdengngeg. //bombokaren.c.sapirao
