Inlawlawag ni Impeachment Trial Presiding Officer Francis “Chiz” Escudero a saan nga obligado ni Vice President Sara Duterte a dumar-ay iti impeachment trial gaputa imbagi ti abogadona.
Sigun kenni Escudero, awan ti pagannurotan iti impeachment court a mangpilit iti respondent a dumar-ay iti hearings no saanna a kayat nga aramiden.
Inyunay-unay ti Presiding Officer nga adda iti bise presidente ti desision no sumango iti korte wenno saan.
Kabayatanna, mabalin a mangipilia ti prosekusyon iti pormal a mosyon wenno kiddaw iti korte no kayatda a personal a dumar-ay ni Duterte.
Desisionan daytoy dagiti Senador.
Nilawlawagan daytoy ni Presiding Officer Escudero kasaruno ti damag ni counsel for the prosecutor Atty. Lorna Kapunan no dumar-ay ti bise presidente iti impeachment trial kalpasan a naimatangan iti Senado.
