Inlaksid ti Sandiganbayan ti kiddaw ni sigud a senator Ramon Revilla Jr. a rummuar iti pagbaludan tapno dumar-ay iti lamay ti kabsatna.
Sigun iti third Division ti anti-graft court, ti panangipaay ti furlough kenni Remulla ket makaipaay iti impresion iti publiko a mapabpaburan gaputa sigud a high-ranking official.
Maipalagip a kiniddaw ni Revilla a rummuar iti New Quezon City Jail iti las-ud laeng ti uppat nga oras.
Daytoy ket tapno, sarungkaranna ti lamay ti kabsatna a ni Jojo Manungas Bautista a nakamasayag iti Imus, Cavite.
Nupay kasta, inlaksid ti korte ken insingasingda laeng a makipartisipar iti memorial rites babaen iti virtual wenno online.
Sumangsango ni Revilla iti kaso a malversation babaen ti falsification of public documents ti P92.8-milion nga anomalous flood control project sadiay Pandi, Bulacan.
