Kinanselar ti International Criminal Court (ICC) ti status conference para kenni sigud a President Rodrigo Duterte a naituding intun July 14, 2026.
Iti statement ti ICC, saanen nga ituloy ti Trail Chamber III ti third status conference gaputa agpada nga impakaammo ti prosecution ken defense iti korte nga awan ti espesipiko nga isyu wenno pakaseknanda a kasapulan ti atension dagiti hues.
Naikeddeng ti sumaruno nga status conference inton Sept. 7, Oct. 13, ken November 2, 2026.
Immun-una a kinuna ni Judge Joanna Korner, ti presiding judge ti kaso ni Duterte a mabalin a makanselar dagiti hearing no awan dagiti banag a kasapulan a pagsasaritaan.
Innayonna a napateg ti status conference inton Sept. 7 gaputa manamnama a naisubmitiren sadiay dagiti report.
Sigun pay kenni Korner, namnamaen ti korte a dumar-ay ni Duterte iti nasao a hearing, malaksid no malapdan gapu kadagiti medical issue.
Maipalagip a naikeddeng ti trial iti sango ti ICC inton Nobiembre 30, sumagmamano a bulan kalpasan a pinasingkedan dagiti hues idi Abril ti tallo a kaso ti krimen kontra iti sigud a presidente.
Pakairamanan daytoy ti three counts of crimes against humanity a mainaig iti anti-drug campaign kabayatan ti adminisrasyon daytoy.
Naibalud ni Duterte presidente sadiay The Hague kalpasan a naaresyar idi Marso 2025.
