Pinagduaduaan ni sigud presidential spokesperson Harry Roque ti kredibilidad ti National Bureau of Investigation (NBI) agent a nang-authenticate iti maatap a panagpangta ni Vice President Sara Duterte iti biag ni President Ferdinand Marvcos Jr. ken dadduma pay.
Sigun kenni Roque, saan a kualipikado ti NBI agent a mang-authenticate iti nasao a video.
Iti social media post, inkalintegan ni Roque a rumbeng a saan a naipresentar ni NBI Senior Agent John Mark Calilung kas expert witness kabayatan ti impeachment trial.
Sigun kekuana, daytoy laeng ti umno a mangbiripikar iti nasao a video.
“Who can authenticate the video: Me, since I broadcasted the video, any of the 42 participants including VP Sara and Atty. [Zuleika]; and FB. ‘Di pwede si Calilung,” sigun kenni Roque
Kabayatanna, inkalinteganna a saan a maakseptar ti recording kas ebidensia no saan a nasayaat ti pannaka-authenticate daytoy.
Ti nasao a video ket sentro ti Article IV ti impeachment complaint mainaig iti grave threats kontra kenni President Ferdinand Marcos Jr., First Lady Liza Araneta-Marcos ken sigud a House speaker Martin Romualdez.
