Kwenestionaran ni Senador Panfilo Lacson ti maatap a maulit-ulit a pannakayospital dagiti sumagmamano a personalidad tunggal addaan dagitoy iti arrest warrant wenno na-cite in contempt.
Daytoy ti sungbat ni Sen. Lacson iti damag mainaig iti pannakayospital ni Senador Rodante Marcoleta a sumangsango iti kaso a plunder ken graft.
Sigun kenni Lacson, nabayag a madmadlawna a tunggal maarestar wenno na-cite in contempt dagiti sumagmamano a personalidad, arigna a rumruar laeng ti sakitda no adda ti warrant.
Dinakamat metlaeng ti Senador ti immuna nga statementna iti social media a “Bawal magkasakit. Mahal ang gamot. Bawal magka-warrant. Baka magkasakit.”
Sigun kenkuana, ti obserbasyonna ket naibasar metlaeng iti damag ti publiko no apay a dagiti sumagmamano a personalidad a sumangsango iti kaso ket maiturturong iti ospital imbes a dagus a maimpaima iti kustodiya.
Dakdakamaten ni Lacson ti pannakayospital da sigud a Public Works Secretary Manuel Bonoan ken Senador Rodante Marcoleta, nga agpada a sumangsango ti kaso iti Sandiganbayan.
