Naklaat ni Atty. Amando Virgil Ligutan kalpasan a na-red tag iti rumrumuar nga online post no sadino, karaman iti National Union of People’s Lawyers (NUPL), ken grupo nga intuding ti Anti-Terrorism Council kas organisasion dagiti terorista.
Sigun kenni Atty. Ligutan, awan ti basaran iti nasao nga alegasyon kontra kenkuana.
Maysa ni Atty. Ligutan kadagiti pribado nga abogado a mangibagbagi iti prosecution panel ti House of Representatives iti impeachment trial ni Vice President Sara Duterte.
Patien ti abogado a rimsua dagiti nadakamat nga isyu gapu iti trabahona iti impeachment trial.
Sigun kekuana, nasdaaw laeng idi naammuanna ti nadakamat nga alegasion, gaputa saan a pulos a kameng ti NUPL.
Sakbay daytoy, inwaras ti sigud nga opisial ti gobierno a ni Lorraine Badoy iti social media daytoy dagiti alegasion a konektado ni Atty. Ligutan kadagiti terorista a grupo.
Kabayatanna, immuna nga inlawlawag ti National Union of People’s Lawyers (NUPL) a saan a kameng ti grupoda ni Atty. Ligutan.
