Inkari ni presiding officer ken Senator-judge Francis ‘Chiz’ Escudero a mapaparatak ti proseso ti proceedings iti impeachment trial kontra kenni Vice Presiden Sara Duterte.
Sigun kenkuana, nabuntog ti pannakaisayangkat ti proceedings iti un-una agsipudta agad-adjust paylaeng iti trial process dagiti prosekusyon, depensa ken senator-judges.
Nupay kasta, namnamaenna a pumartak ti proseso kadagiti sumarsaruno a lawas.
Kabayatanna, kiniddaw ni Escudero iti publiko ti pannakaawat gapu iti kinabuntog ti proseso.
Iti baet dayta, impasiguradona a pumartakto ti impeachment proceedings ngem saan a darasudos ti proseso.
Namnamaen ti senator-judge nga agleppas ti trial sakbay ti Nobiembre wenno Desiembre ngem depende iti testigo nga ipresenta ti prosekusyon ken depensa.
