Agkidkiddaw ti South Korea iti tulong ti North Korea para iti panannakabirok ti mapukpukaw a coast guard soldier a maatap a nakadanun iti teritorio ti Pyongyang.
Sigun iti South Korean Unification Ministry, maysa a navy seaman ti nayaw-awan idi Hulio 12 bayat nga ar-aramidenna ti coast guard duty iti East Sea a pagaammo kas Sea of Japan.
Maatap a naguyod ti marino baben iti napigsa a dalluyon iti Northern Limit Line, ti naituding a beddeng ti South ken North Korea.
Gapu iti kinaawan ti aktibo a linia ti komunikasion ti dua a pagilian, impatulod ti South Korea ti kiddawna babaen ti text message kadagiti media tapno maidanon ti mensaheda iti Pyongyang.
Kiniddaw metlaeng ti gobierno ti South Korea ti pannakitinnulong ti North Korea iti panagbirok ken natalged a panagsubli ti mapukpukaw a kameng ti coast guard.
Kabayatanna, awan paylaeng ti statement ti North Korea mainaig iti daytoy.
