Mannarimaanen ti koordinasyon ti Armed Forces of the Philippines iti Department of Foreign Affairs (DFA) kalpasan iti pannakapangpang-or ti maysa a Pilipino idiay Ayungin Shoal babaen iti wooden baton ita nga aldaw.
Sigun iti statement ti nasao nga ahensya, inasitgan ti maysa nga inflatable boat ti China Coast Guard ti rubber boats ti AFP iti asideg ti Ayungin Shoal ken Sierra Madre no sadino nagala dagitoy kadagiti ladawan ken bidyu dagiti Pilipino. Gapu iti daytoy, kalmado a kinomprontar dagitoy dagiti AFP personnel.
Nupay kasta, nagbalin a bayolente dagiti China Coast Guard personnel ken pinang-orda dagiti Pilipino babaen iti wooden baton.
Kas resulta, nadadael ti maysa a Navy Rubber Boat ken nadangran ti maysa a navy personnel.
Sigun iti statement ti nasao nga ahensya, saanda nga akseptaren ti pinamay-anda iti nadangran a Pilipino ken mangitunda daytoy iti kaskenan a diplomatic action iti anyaman a kinaranggas kontra kadagiti Pilipino.
“The DFA is committed to upholding the safety and well-being of Filipino personnel in BRP Sierra Madre who are lawfully performing their duties,” sigun iti nasao nga ahensya.
Kagidan dayta, idagdagadag ti nasao nga ahensya ti People’s Liberation Army ken China Coast Guard nga isardengda ti anyaman nga ilegal ken agresibo nga aktibidad da idiay West Philippine Sea ken agtulnogda iti 2016 Arbitral Award a mangidekdeklara nga ada ti karbengan ti Pilipinas idiay WPS iti sidung ti international law.
” We call on the People’s Liberation Army and the China Coast Guard to include their maritime militia to put a stop to their illegal, coercive, aggressive, and deceptive actions within the West Philippine Sea and adhere to the 2016 Arbitral Award that affirms the Philippines’ lawful maritime rights under international law.” //bombokaren.c.sapirao
