Insagana ti House prosecution ti 13 nga agtestigo iti impeachment trial ni Vice President Sara Duterte, seknan iti maatap a saan nga umno a pannakaaramat ti P612.5 million a confidential funds.
Sigun kenni House Prosecutor ken Manila Rep. Joel Chua, nakalinya dagiti 13 nga agtestigo ngem iti kanito a mapaababa ti proseso, umdasen ti walo wenno siam a saksi tapno mapatibker ti kaso kontra iti bise presidente.
Inyunay-unay ni Chua saan a mapalag-an ti kaso uray no makissayan dagiti agtestigo.
Innayon ti opisial a ti panangpapartak iti proseso ket mangipalubos kadagiti senator-judges a mangdeliberate ken agdesision a nasapsapa.
Sigun pay iti mammanday linteg, sumaruno nga ipresenta ti prosecution ti dua a sigud a Commission on Audit auditors, maysa a records custodian ti House of Representatives.
Daytoy ket kalpasan ti testimonia ti dua a sigud a land Bank of the Philippines branch managers idi napan a lawas.
Naituding ti sumaruno nga impeachment trial ni VP Sara Duterte intun Agosto 3, 2026.
