Posible nga agpaut agingga intun February 2027 ti impeachment trial ni Vice Presdient Sara Duterte no suruten ti korte ti timetable ken aramaten ti prosekusion ken depensa dagiti amin a trial days a naipaay kadagitoy.
Sigun kenni impeachment court spokesperson Regie Tongol, manarimaan ti panagtrabaho ti House prosecution panel ken defense team ni Duterte tapno mapaababa ti proceedings ken maliklikan ti panakkaiparang dagiti saan a kasapulan wenno maulit-ulit a testimonya.
Innayon ni Tongol a posible a mapaababa ti timatable ti impeachment trial no kissyan ti dua a partido dagiti testigo wenno agdesisyon ti prosecution a saandan nga ituloy ti maysa wenno nasusurok pay nga impeachment articles.
Maipalagip nga insanud ti House prosecution ti inisyal a plano dagitoy nga agtestigo da Vice President chief of staff Zuleika Lopez, security director Belinda Bello ken innem pay nga indibidual.
Mangrugi ita a bulan, maangay ti panagdengngeg ti impeachment court iti Lunes agingga iti Mierkoles, manipud 10 a.m. agingga iti 3 p.m.
