Impakaammo ti Office of Civil Defense (OCD) a dumanonen iti P8.48 Bilyon ti danyos iti imprastraktura ken agrikultura gapu iti habagat no sadino agarup P6.16 Bilyon na nailista iti imprastrakturaken P2.32 bilyon met iti agrikultura.
Sigun iti kaudian a datos ti OCD Disaster Preparedness Service , agarup 724 a lugar ti direkta a naapektaran iti saan a nasayaat a paniempo.
Iti agdama, agtultuloy met ti isaysayangkat dagitoy a beripikasyon kadagiti nadadael a kalsada, rangtay, ken dadduma pay a pampubliko a pasilidad kasta metlaeng dagiti nadadael a mula dagiti mannalon.
Impasigurado met ti OCD a nakatutokda iti pannakikoordinar kadagiti lokal a gobyerno tano adadda a mapapartak ti panangipaayda iti mayanatup a tulong kadagiti apektado a komunidad.
Nagpallagip metlaeng ti nasao nga ahensya kadagiti residente nga agnanaed kadagiti nababbaba a lugar ken narigso a pasdek nga agtalinaed nga alerto ken agtulnog kadagiti abiso ti lokal a gobyerno.
