Nangipaulog ita a malem ti warrant of arrest ti Quezon City Regional Trial Court kontra kenni Vice Presidente Sara Duterte seknan iti sangsangwenna a kaso ti grave threat.
Dagos met a nangiruwar ti opisyal nga statement ti legal counsel ti bise presidente a ni Atty. Paul Lawrence Lim seknan iti nasao a bilin ti korte.
Impetteng ni Atty. Lim nga awan ti anyaman a panggep ni VP Sara nga aglibas wenno mangliklik iti proseso ti linteg iti baet dagiti isyu seknan iti hurisdiksyon ti korte.
Innayon daytoy nga aramidenda amin a kabaelanda a legal remedies tapno sanguen ken sungbatan dagiti maibatbato nga akusasyon kontra iti bise presidente.
Iti sabalin a bangir, impeksa met ti Department of Justice a respetuenda ti nagbalin a desisyon ti korte.
Sigun kenni DOJ Spokesperson Atty. Polo Martinez, raraemenda ti nagbalin a desisyon ti korte nga ibasura ti mosyon nga impila ni VP Sara Duterte iti Sandiganbayan.
