Dumanon iti 12,029 nga examinees ti balligi a nag-exam iti immuna nga aldaw ti 2026 Bar Examinations idi Setiembre 06, 2026.
Sigun iti Supreme Court, naiwaras dagiti examinees kadagiti 15 a local testing centers iti intero a pagilian.
Maibasar iti datos, dumanon iti 1,326 nga examinees ti University of San Jose-Recoletos; 1,277 iti New Era University; 1,151 iti San Beda University; 1,144 iti Ateneo de Davao University ken 1,132 iti Saint Louis University.
Iti nasao a bilang, 45.9% ti first-time takers, 29.5% ti previous takers ken 24.6% ti refreshers.
Iti immuna nga aldaw ti eksaminasyon, kaadduan nga examinee dagiti babbai a dumanon iti 6,773 bayat a 5,256 dagiti lallaki.
Kaubingan nga examinee ket agtawen iti 24 bayat a ti kataengan ket agtawen iti 84.
Sigun iti Korte Suprema, 304 nga examinees ti addan iti disabilidad bayat a 285 dagiti senior citizens.
Iti datos ti Supreme Court, 13,441 nga examinees ti naituding nga ag-xam iti Bar Examinations ita a tawen.
