--Ads--
Nasubmitir iti Office of the Ombudsman ti 45 a case studies iti maatap a naanomalyaan a flood control projects sadiay Taguig City.
Sigun iti kampo ni Senator Panfilo Lacson, addaan daytoy iti dokumento a mangipakita iti anomalya kadagiti flood control project sadiay Taguig, bawarte ni Senator Alan Peter Cayetano.
Karaman iti case studies ti “billing anomalies” a pakairamanan ti panagaramat iti duplikado wenno tampered photographs ti nagduduma a kontraktor.
Naisubmitir metlaeng dagiti makaallilaw a project classifications ken dadduma pay.
Kabayatanna, binabalaw ni Cayetano ti imbestigasyon ni Lacson.
Sigun kenni Cayetano, “witch hunt”, “demolition job,” ken “striptease” ti nasao nga imbestigasyon
