Impakaammo ni Senate impeachment court presiding officer Francis “Chiz” Escudero ita nga aldaw, a maisayangkat ti oral arguments iti nagbaetan ti depensa ken prosecution inton Septiembre 23, 2026, mainaig iti 16-vote threshold para iti pannakaconvict ni Vice President Sara Duterte.
Nagkiddaw met iti manifestifation ni Senator-Judge Erwin Tulfo no sadino tarigagayna a mailawlawag ti voting threshold gapu ta uppat a senator-judges ti agdama a saan a personal nga ag-atatendar iti nasao a trial.
Maipalagip a da Sen. Jinggoy Estrada ken Sen. Rodante Marcoleta ket agdama a nakabalud gapu iti kaso a plunder, bayat a ni Sen. Ronald dela Rosa ket agdama nga aglimlimmeng gapu iti arrest warrant-na manipud iti International Criminal Court.
Awan metlaengen iti uneg ti pagilian ni Sen. Loren Legarda gapu iti kondisyon ti salun-atna.
Kabayatanna, kalpasan a nasuspendir ti trial, impakaammo ni Senator-Judge Escudero a maaddaan ti korte iti hear amici curiae (friends of the court) inton Septiembre 16, tapno adalenda ti pamay-an ti panagbotosda ken mapagnunumoan dagiti senator-judges iti desisyon da.
Iti sabali a bangir, maisayangkat met ti oral arguments iti agsinnungbangir a benneg no sadino maipaay ti 15 a minuto iti tunggal partido tapno mangipresenta iti bukodda a posisyon.//Bombo Khey Reparip
