Suportado ni Senador Panfilo Lacson ti panag-isyu iti warrant of arrest kontra kenni sigud a House Speaker Martin Romualdez gapu iti pakainaiganna iti flood control controversy.
Sigun kenni Sen. Lacson, ti pangarestar kenni Romualdez ket pammaneknek iti agtultuloy a panaggaraw ti administrasyon seknan iti kontrabersya ti flood-control project iti pagilian.
Sigun pay iti senador, nasken nga agsardengen dagiti kritisismo kontra kenni Pres. Ferdinand Marcos Jr. a mangibagbaga a nakapsot ti panangidaulona ken kurang ti determinasyon na nu maipapan iti isyu ti flood-control projects.
Kinomendar met ni Lacson ti Office of the Ombudsman gapu iti panangisayangkatda iti imbestigasion ken indagadagna ti publiko a suportaran ti nasao nga institusyon.
Impaganetgetna pay a ti napateg, maikkan ti oportunidad ti sigud a speaker a sumango kadagiti alegasyon kenkuana iti korte ken depensaan ti bagina kas maitunos iti due process.//Bombo Khey Reparip
