--Ads--
Nangipila ni Metropolitan Manila Development Authority General Manager Nicolas Torre III iti one month leave mangrugi ita nga aldaw, Septembre 8, kasaruno iti panangrevoke ti Land Transportation Office ti lisensya ti drayber na.
Napatawan ti pannusa ti nasao a driver kalpasan a natiliw gapu iti illegal a panagdalyasatna iti EDSA Busway.
Malaksid iti daytoy, naduktalan pay ti LTO nga agar-aramat ti lugan iti plaka iti sabali a lugan.
Kasta metlaeng a nangikabilda pay kadagiti saan nga awtorisado a marka ti MMDA ken dadduma pay nga alikamen iti nasao a lugan.
Sigun iti LTO, pribado ti opisial a nakarehistro ti lugan, ken ti plaka a naikabil iti pannakaaresto ket saan nga aktual a maitunos kadagiti rekord ti lugan.//Bombo Khey Reparip
