Kiniddaw ni Baguio Mayor Benjamin Magalong iti baro a City Director ti Baguio City Police Office a ni PCol Nixon Laoyan a mailinya kuma ti inisiatiba ken plano daytoy iti vision ken Core agenda iti siudad.
Iti mensahe ti Mayor kabayatan ti turnover ceremony iti maysa a hotel iti siudad idi September 08, kinunana nga awan ti bibiangna iti aramiden ti baro a direktor kas designation dagiti personnels.
Innayonna a mariknana ti full-fledged ni PCol. Laoyan ken binilinna ti panangbukel daytoy iti relasyon iti City Council agsipudta dagitoy ti mabalin a tumulong kadakuada iti kanito adda ti pakaseknan.
Kiniddaw pay ti Mayor nga adalaen ni PCol. Laoyan ti maipapan iti kapasidad ken kabaelan ti command center ti siudad.
Iti met mensahe ni PCol. Laoyan, impasiguradona ti kinatalged dagiti turista wenno anyaman nga agturong iti siudad.
“Hindi lang makikita ang kapulisan sa oras ng sakuna at krimen dapat sila ay laging nandyan, madaling lapitan at handang sumaklolo”- PCOL. Loayan.
Innayun daytoy a ti balligi ti BCPO ket saan a marukud babaen iti bilang ti naarestar, bilang ti operasyon ken dadduma pay no diket marukud babaen iti kinatalged dagiti publiko.
Impeksa daytoy a dagiti sigud a maar-aramid ken programa ket mamintiner ngem no adda ti nasken a mapasayaat ket aramiden daytoy.
Inyunay-unay ti baro a City Director a nakalinya ladta ti vision ken core agenda daytoy iti siudad ken ti PNP Mantra a “Bagong PNP para sa Bagong Pilipinas: Serbisyong Mabilis, Tapat at Nararamdaman”.//via Bombo Noveh Organo
