Inkari ti Philippine General Hospital (PGH) nga ipaayna ti impartial review iti salun-at ni sigud nga speaker ken Leyte 1st District Representative Martin Romualdez kasaruno ti pannakaiyakarna iti nasao a medical facility.
Naiyakar ni Romualdez iti PGH sadiay Manila City manipud Cardinal Santos Medical Center sadiay San Juan kalpasan nga imbilin ti Sandiganbayan Third Division ti independent review iti salun-at daytoy.
Nabilin metlaeng dagiti doktor iti PGH nga iberipikarda ti kiddaw ni Romualdez a kasapulan nga agtalinaed iti ospital para iti dagus a healthcare daytoy.
Sigun iti PGH, nakabukel dagitoy iti espesyalista a mangisayangkat iti bukodda a medical examination ken diagnostic tests.
Dagiti espesyalista ti mangisagana iti komprehensibo a medical report a maisubmitir iti Sandiganbayan.
Agserbi daytoy a basaran no agtalinaed ni Romualdez iti ospital wenno saan.
