Impeksa ni Ombudsman Jesus Crispin Remulla a panawen tapno maseguro ti Pilipinas ti extradition treaties kadagiti European countries.
Daytoy ti kinuna ni Remulla kalpasan ti report nga aglemlemmeng ni sigud nga Ako Bicol party-list congressman Zaldy Co sadiay France.
Malaksid kenni Co, adda metlaeng sadiay France ni Senador Loren Legarda ken ti anak daytoy a ni Batangas Representative Leandro Leviste nga agpada a subject ti plunder investigations ti Ombudsman.
Sigun kenni Remulla, panawen siguro tapno ituloy ti Pilipinas a manggun-od iti kanayunan a bilateral agreements wenno extradition treaties kadagiti European countries.
Naituding nga agturong ni Remulla sadiay France tapno makipagkita kadagiti sumagmamano nga international law enforcement agencies, pakairamanan ti Financial Action Task Force (FATF).
Namnamaenna a maipaayan iti atensyon ti pakaseknan daytoy a mabalin nga agserbi ti Europa a paglemmengan dagiti indibidual a sumangsango iti criminal cases iti pagilian.
