Impeksa iti Philippine General Hospital (PGH) a saan a kasapulan nga agtalinaed ken ma-confine iti ospital ni Leyte Representative ken sigud a House Speaker Martin Romualdez.
Sigun kenni Dr. Gerardo “Gap” D. Legaspi, maibilang ni Romualdez a clinically stable ken innayonna pay mabalinen a ma-discharge daytoy iti nasao a pagagasan.
Imbinglay Legaspi a nupay naibinsa-binsa dagiti condition ni Romualdez ken kasapulan ti monitoring ken treatment, saanen a kasapulan a maconfine daytoy gapu naipasigurado metten ti mayanaup a medical care para kenkuana.
Innayonna pay nga addaan iti 30% a tyansa a makapasar iti heart attact ti sigud nga opisyal iti sumaruno a 30 years wenno 3% tunggal tawen ngem saan met a very high ti tsansa a mapasamak daytoy sigun iti doktor. Kabayatanna, addaan met 3%-5% a tyansa daytoy iti stroke.
Malaksid iti daytoy, naduktalan pay ti ospital nga addaan iti major depression ken anxiety ni Romualdez.
Maipalagip a naiyakar ni Romualdez idiay PGH sadiay Manila manipud Cardinal Santos MEdical Center sadiay San Juan City idi Sabado.
Dinutukan met ti Sandiganbayan Third Division dagiti opisyales ti PGH a mang-assess kenkuana nu kasapulanna iti medical confinemet kalpasan ti arrest warrant a naipaulog kontra kenkuana tapno saan daytoy a maibalud sadiay Quezon City Jail.
Gapu iti daytoy, impaulog iti Sandiganbayan a matransfer ni Romualdez iti Quezon City Jail Male Dormitory.
Maipalagip a sumangsango ni Romualdez iti plunder charges gapu paylaeng iti isyu mainaig iti flood control projects.//Bombo Khey Reparip
