Pinalubusan ti Sandiganbayan Third Division ni sigud a House Speaker Ferdinand Martin Romualdez a dumar-ay iti arraignment ken pre-trial babaen iti videoconference.
Naituding ti arraignment ni Romualdez iti 8:30 a.m intun Miyerkules, Setiembre 16, 2026.
Sumangsango ti kongresista iti plunder charges mainaig iti P7.2 billion a maatap a kickbacks manipud iti allocations dagiti infrastructure projects.
Iti agdama, agtaltalinaed nga at large paylaeng dagiti kakadua ni Romualdez nga akusado a kas kenni sigud nga Ako Bicol party-list Rep.
Zaldy Co, presidente ti Samchan Foreign Exchange Corp. a ni Felicito Guevarra, ken ti personal assistant ni Romualdez a ni Joselyn Sereño.
Nakabalud ni Romualdez iti Quezon City Jail kalpasan a nahospital arrest iti Cardinal Santos Medical Center.
